ກົດໝາຍ · Legal
ນະໂຍບາຍ ແລະ ລະບຽບການ
ການໃຫ້ບໍລິການລົດ Taxi
ບໍລິສັດ ລາວເທບຈະເລີນ ໂຊລູເຊິນ ຈຳກັດຜູ້ດຽວ · ນະຄອນຫຼວງວຽງຈັນ
I ສະພາບລວມ
ລົດ Taxi ຖືວ່າເປັນລະບົບຂົນສົ່ງສາທາລະນະ ລະບົບໜຶ່ງທີ່ໃຫ້ບໍລິການແກ່ຜູ້ໃຊ້ບໍລິການດ້ວຍຄວາມສະດວກ ແລະ ວ່ອງໄວ
ຊຶ່ງແຕກຕ່າງຈາກລົດໂຍສານປະຈຳທາງ. ດັ່ງນັ້ນ ລົດ Taxi ຈຶ່ງເປັນທາງເລືອກທີ່ເປັນທີ່ນິຍົມ
ເພື່ອອຳນວຍຄວາມສະດວກ, ວ່ອງໄວ ແລະ ປະຢັດເວລາ.
II ຈຸດປະສົງ
ນະໂຍບາຍ ແລະ ລະບຽບການຄຸ້ມຄອງ ການໃຫ້ບໍລິການລົດ Taxi ໄດ້ກຳນົດຫຼັກການ, ລະບຽບການ ແລະ ມາດຕະການກ່ຽວກັບ:
- ການຈັດຕັ້ງການເຄື່ອນໄຫວ, ການຄຸ້ມຄອງ, ຕິດຕາມ ແລະ ກວດກາການຈາລະຈອນ
- ອຳນວຍຄວາມສະດວກ, ຄວບຄຸມການສັນຈອນໃຫ້ມີຄວາມປອດໄພ ແລະ ເປັນລະບຽບຮຽບຮ້ອຍ
- ຫຼຸດຜ່ອນອຸປະຕິເຫດ ແລະ ຄວາມແອອັດໃນການສັນຈອນ
- ປົກປັກຮັກສາຊີວິດ, ຊັບສິນຂອງບຸກຄົນ ແລະ ສາທາລະນະ
1. ນິຍາມຄຳສັບ
- ລົດ Taxi: ລົດໃຫຍ່ທີ່ໃຊ້ຮັບຈ້າງບັນທຸກຄົນໂດຍສານ
ທີ່ບໍ່ເກີນ 7 ຄົນ
- ຜູ້ຂັບລົດ Taxi:
ຜູ້ໃຫ້ບໍລິການຮັບ-ສົ່ງຜູ້ໂດຍສານໃນລັກສະນະລົດແທັກຊີຜ່ານແອັບ
- ຜູ້ໂດຍສານ: ຜູ້ທີ່ເດີນທາງໄປກັບລົດ Taxi
ເພື່ອໃຫ້ຮອດຈຸດໝາຍປາຍທາງ
- ໃບຂັບຂີ່: ໃບອະນຸຍາດຂັບຂີ່ທີ່ອອກໃຫ້ໂດຍຂະແໜງໂຍທາທິການ ແລະ
ຂົນສົ່ງ
2. ມາດຕະຖານການສະໝັກຜູ້ຂັບລົດ
- ຕ້ອງມີໃບຂັບຂີ່ລົດ, ປ້າຍທະບຽນລົດ ແລະ ມີຄວາມຊຳນານໃນການຂັບຂີ່
- ຕ້ອງມີສຸຂະພາບທີ່ດີ ບໍ່ເປັນພະຍາດທີ່ສົ່ງຜົນກະທົບໃນເວລາຂັບຂີ່
- ຜູ້ຊາຍ: ອາຍຸ 18-55 ປີ · ຜູ້ຍິງ: ອາຍຸ 18-50 ປີ
- ຕ້ອງມີປະຫວັດທີ່ດີ ບໍ່ເຮັດຜິດກົດໝາຍ ຫຼື ມີຄະດີຕິດໂຕ
- ບໍ່ມີປະຫວັດການໃຊ້ສານເສບຕິດ ຫຼື ການກະທຳອັນບໍ່ດີຕໍ່ສັງຄົມ
III ຂັ້ນຕອນການເອີ້ນລົດ
- ເປີດແອັບ GogoMove: ເລືອກເມນູ "ເດີນທາງ"
- ປັກໝຸດຈຸດຮັບ-ສົ່ງ: ແອັບຈະຄົ້ນຫາຕຳແໜ່ງປັດຈຸບັນຂອງທ່ານ ຈາກນັ້ນໃຫ້ພິມ "ໄປໃສ" ເພື່ອລະບຸຈຸດໝາຍ
- ເລືອກປະເພດບໍລິການ: ເລືອກປະເພດລົດທີ່ຕ້ອງການ — ລະບົບຈະສະແດງຄ່າໂດຍສານລ່ວງໜ້າ
- ກົດຈອງລົດ: ລະບົບຄົ້ນຫາຄົນຂັບທີ່ຢູ່ໃກ້ທີ່ສຸດ
- ລໍຖ້າ ແລະ ຕິດຕາມ: ຕິດຕາມຕຳແໜ່ງຄົນຂັບເທິງແຜນທີ່ໄດ້ຕະຫຼອດ
- ເມື່ອຮອດຈຸດໝາຍ: ຊຳລະຕາມຄ່າທີ່ສະແດງ (ເງິນສົດ ຫຼື ບັດ) ແລະ ໃຫ້ຄະແນນຄົນຂັບ
ສຳຄັນ: ຫຼັງຈາກຮັບອໍເດີ້
ຄົນຂັບຕ້ອງຕິດຕໍ່ຜູ້ໂດຍສານທາງໂທລະສັບໃຫ້ໄວທີ່ສຸດ ເພື່ອຢືນຢັນສະຖານທີ່ ແລະ ເວລາ. ຫ້າມປະຕິເສດ ຫຼື
ຍົກເລີກອໍເດີ້ ໂດຍບໍ່ມີເຫດຜົນ.
IV ລະບຽບການຂັບລົດໃນທ້ອງຖະໜົນ
- ຕ້ອງມີເອກະສານຄົບ: ໃບອະນຸຍາດຂັບຂີ່, ບັດປະຈຳຕົວ, ໃບທະບຽນ, ໃບກວດເຕັກນິກ, ໃບປະກັນໄພ
- ກວດສະພາບເຕັກນິກລົດຢ່າງເປັນປະຈຳ
- ໃຫ້ຄວາມຮ່ວມມືກັບການກວດກາຂອງເຈົ້າໜ້າທີ່
- ຢຸດ ແລະ ປ່ອຍທາງໃຫ້ການສັນຈອນພິເສດ ແລະ ຄົນຍ່າງຂ້າມທາງ
- ແຕ່ງກາຍສຸພາບ, ຫ້າມເສບ/ດື່ມສິ່ງມຶນເມົາ
- ຫ້າມລ່ວງໄຟແດງ, ຂັບຜິດທິດ ຫຼື ເກີນຄວາມໄວທີ່ກຳນົດ
V ຂໍ້ກຳນົດ ແລະ ລະບຽບຫຼັກສຳລັບຄົນຂັບ
- ຕ້ອງເຊັນສັນຍາ ຫຼື ເອກະສານຢັ້ງຢືນຕົວຕົນ ແລະ ທີ່ຢູ່
- ຫ້າມປະຕິເສດຜູ້ໂດຍສານ ເວັ້ນເສຍແຕ່ມີເຫດຈຳເປັນ
- ຫ້າມຄິດຄ່າໂດຍສານເກີນລາຄາທີ່ກຳນົດ ຫຼື ພາອ້ອມໂດຍບໍ່ຈຳເປັນ
- ຫ້າມສົ່ງຜູ້ໂດຍສານກາງທາງ
- ຫ້າມເສບສິ່ງເສບຕິດ ຫຼື ດື່ມສິ່ງມຶນເມົາ, ຫ້າມສູບຢາຂະນະມີຜູ້ໂດຍສານ
- ເຄົາລົບຄວາມເປັນສ່ວນຕົວຂອງຜູ້ໂດຍສານ
VI ອັດຕາຄ່າໂດຍສານລົດ Taxi
| ໄລຍະທາງ |
ອັດຕາ (ບາດ/ກມ) |
ອັດຕາ (ກີບ/ກມ) |
| ກິໂລແມັດທີ 1 |
35 ບາດ |
24,000 ກີບ |
| ກມ 2–10 |
6.5 ບາດ |
4,500 ກີບ |
| ກມ 11–20 |
7 ບາດ |
4,800 ກີບ |
| ກມ 21–40 |
8 ບາດ |
5,500 ກີບ |
| ກມ 40–60 |
8.5 ບາດ |
5,800 ກີບ |
| ກມ 61–80 |
9 ບາດ |
6,300 ກີບ |
| ກມ 81 ຂຶ້ນໄປ |
10.5 ບາດ |
7,300 ກີບ |
| ຄ່າລົດຕິດ |
3 ບາດ/ນາທີ |
2,100 ກີບ/ນາທີ |
ຕົວຢ່າງການຄຳນວນ (10 ກິໂລແມັດ)
- ກມທຳອິດ: 24,000 × 1 = 24,000 ກີບ
- ກມ 2–10: 4,500 × 9 = 40,500 ກີບ
- ຖ້າຕິດ 30 ນາທີ: 2,100 × 30 = 63,000 ກີບ
- ລວມທັງໝົດ: 127,500 ກີບ
* ຄ່າລົດຕິດ ນັບແຕ່ຕອນລົດບໍ່ເຄື່ອນທີ່
ບໍ່ແມ່ນເວລາເດີນທາງທັງໝົດ